憑歌寄意：行山樂、面對青山笑、我地夠衝勁

行山樂                           填詞:  陳源

 (長句滾花)  熱情人去蚺蛇尖   氹氹轉呀!   落沙田喺荃灣黐咗線   去萬佛寺參禪   返川龍   去梨木樹   唉不久又鍾去塔門唱分飛燕。
一年一度上去荔枝園   喺牛潭尾呀   上大羅天   最愛下苗田喺新娘潭晚膳   青山寺呀   瞓陣先   等陣要去屯門玩吓   見吓個位嬋娟   即速落流浮山   食番餐魚虾宴。
(二流)   相思徑   百花林   海角紅樓留倩影   杜鵑潭畔去訪娉婷 (合)
嗰嗰釣魚翁  奉咗高堂命  去睇包公審案  寸步不停佢老態龍鐘去咗自然教育徑。(上)  喺繞絲溪   跑步去龜頭嶺横山脚下步步為營   個玉女拜堂勝在滋油淡定。(士)
(滾花)   行山好友至緊要上個老襯亭   亞?(尺)
(秋江別)   喺孖指徑   望到金山   返到健身徑   要食飽午餐   環繞尖山慢慢行   嚟到針山可以步幅縱橫。
92年旅联十週年隊慶   紀念特刊   刊載

面對青山笑                           詞:  陳源
(悲秋)  (請勿刪改)
到郊區冇憂慮        高聲歌唱把悶氣驅
滿山綠野草青蔥    綠柳春花吐艷紅
開懷面對青山笑    艷美風光似畫圖
郊遊令我身康壯    大眾知交永伴隨
春風吹百花吐艷    天空海闊任鳥飛   
四方盡覽好春光    鳥語花香氣味濃   
優悠步過山溪澗    直上高山氣如虹   
衷誠合作多歡快    預見春花帶運來
老中青夠衝勁        春風得意夢己醒
眼底視野草芳香    蠂舞蜂飛戲綠叢
堅持共抱沖天志    勿作哀聲怨恨誰
千言萬語添新意    幸有知交永伴隨

我地夠衝勁                           作詞:  陳源
(乙反恋彈)
我地夠衝勁   攀山不怕艰难直上山尖   不怕熱
亂咁捐   滿心欢笑話說從前   快樂冇憂病
心中欢暢精神樂倍添   想快活大眾癲
結交好水似蜜糖甜   有酒要大眾飲   至緊要咪吝錢呀…………。
(念白)
一念當年實在嬲   十載傷心眼淚流
世界花花原是夢   行山交友拋却一般愁   係咯。
(秋水伊人)
沉吟底首   光陰似水向前流   良朋好友   四方交流
輕鬆寫意樂悠悠   惟願多交知心友有前途   熱愛攀山
攀山確自由   可惜光陰始終永不回頭。
(南音)
錢財雖係好呀   都係過眼雲烟
青春难再轉眼又幾十年  我地要享受人生追求實現
共同興趣係要快樂為先。
(爽南音)
大眾爬山都係求康健   精神爽利步法超然
今晚濟濟一堂同欢宴   同欢宴
恭祝行山好友   個個欢樂年年。